A realidade da medianoite chega coa mesma crueldade a toda a mocidade dunha vila costeira. As decisións motivadas polo sentido da responsabilidade no canto dos desexos, as intencións escuras abeiradas nunha amizade falsa, os verdadeiros desexos, a culpa e mais o remorso. Os heroes dos contos non sempre son tal.
O xurado que concedeu a Cristais rotos o VII Premio Fundación Xosé Neira Vilas salientou a «habelencia na orquestación estrutural da obra, na que conflúen tramas alternas e complementarias, escritas cunha prosa brillante de diálogos áxiles e cheos de verosimilitude»
