Cartas de Marco Polo e outros relatos recolle ensaios elaborados por Gabriel Rei-Doval “sen o corpiño propio da investigación, libres de ataduras académicas no proceso creativo”, segundo os define o propio autor, nesta altura profesor da Universidade de Wisconsin-Milwaukee. Publicados orixinariamente en periódicos ou revistas galegas (xa en papel, xa dixitais), estes breves ensaios –algúns deles en homenaxe a familia e amigos– forman un conxunto que reflicte a necesidade de viaxar para atopa-lo necesario punto de encaixe e o lugar no mundo.
