Teatro de xoguete

Teatro de xoguete -que contén as pezas tituladas á procura das andavías xigantes, Os xoguetes esquecidos e Voa, voa papaventos– é un conxunto dramático que recrea dun xeito moi atractivo para nenas e nenos motivos extraídos da realidade cotián do mundo infantil. Carlos Labraña utiliza un léxico rico e funcional para as primeiras idades, que dá vida a argumentos ben escollidos que conclúen cunha aprendizaxe ou moralexa que enriquece, ademais de entreter, en valores humanos a formación dos pequenos destinatarios do seu contido. Por estas razóns, a Fundación Xosé Neira Vilas otorgoulle a este libro o galardón da sexta edición do Premio Estornela de Teatro para nenos e nenas en 2010.