Con Anisia Miranda na Costa da Morte

Xosé Neira Vilas chegou por vez primeira á Costa da Morte, coa súa compañeira Anisia Miranda, en 1981, poucos días despois de ter arribado a Galicia dende Cuba. Gustoulles a paisaxe mariña e terrestre deste feraz territorio e gustáronlles as xentes que o habitan. Gustáronlles as historias dos percebeiros, as embarcacións populares, as lendas mariñeiras, as enigmáticas illas Sisargas, o traballo das palilleiras de Camariñas, a olaría de Buño e, sobre todo, a cordialidade e a xenerosidade dos seus habitantes.

Este libro é un resumo das tarefas realizadas e os moitos afectos colleitados durante estes anos de relación e encontros cos veciños e veciñas da Costa da Morte.