Guillermo Llorca fálanos nesta obra da historia dun medio de transporte de xentes e de mercadorías, o tren, que se inaugurou en Ferrol en 1913.

É este un libro ben constituído e armado desde o primeiro ata o último dos seus capítulos, cun gran rigor histórico e repertorio documental. Historia local para ler con gusto e de paso coñecer o noso pasado máis recente.

Estamos ante unha investigación histórica necesaria na que se poñen de manifesto non só as iniciativas, ou os seus protagonistas, senón o tempo –60 anos- que pasou a nosa comarca ata poñer en funcionamento unha vía férrea tan demandada. Todo isto para recoñecer que, 15 anos despois da súa inauguración, a liña Ferrol-Betanzos era xa deficitaria.