Non hai motivos que xustifiquen, hoxe en día, o esquecemento ou ignorancia á que se ven sometidos os máis dos nosos pintores, sobre todo aqueles que nas dúas primeiras décadas do século XX parecían ter atopado a fráxil liña de enlace entre o quefacer pictórico dos mestres do século XIX e as súas xuvenís teorías academicistas.
Este libro quere contribuír a tirar deste esquecemento a un daqueles galegos que co seu excelente dominio pictórico deixaron un fondo rastro nas actuais xeracións artísticas.
Felipe Bello Piñeiro rematou na Sala de Conversas do Casino Ferrolán unha auténtica obra mural que ben podería ser a única existente en Galicia representativa daquel estilo modernista, tan de moda a comezos de século, nunha terra, a nosa, na que aínda se cuestionaba e dubidaba da existencia de consagrados pintores.
