Ferrol, 1950. Catedrático e doutor en Historia Contemporánea é autor ben coñecido polos seus estudos sobre a IIª República, a represión da Ditadura, a resistencia antifranquista, o movemento obreiro nacionalista, o ensino e o patrimonio marítimo galego.

O seu incansable labor amplíase a outros temas máis próximos a nós, ata o punto de ser un dos estudosos que máis ten aportado nos últimos anos á historiografía de Ferrol e a súa bisbarra.

Polo amplo abano da súa tarefa investigadora a Asociación Galega de Historiadores outorgoulle o Iº Premio Manuel Murguía ao labor e mérito historiográfico.