Serantes, Ferrol, 1976. É licenciada en Historia pola Universidade de Santiago de Compostela. Na mesma universidade obtivo o diploma de estudos avanzados, que acredita a súa suficiencia investigadora como arqueóloga. Publicou os libros A ceca de Xuvia. A derradeira fábrica de moeda de Galicia (Edicións Embora, 2006)e A fabricación de fusís na ría de Ferrol (Edicións Embora, 2007) e participou no XIII Congreso Nacional de Numismática “Moneda y Arqueología” cunha comunicación sobre esa fábrica. Compaxina este labor investigador con traballos de campo relacionados coa arqueoloxía en Ferrolterra.