Consultora en igualdade e unha das fundadoras da Sociedade Gaela. Imparte formación na Universidade da Coruña (Máster en Xénero e Políticas de Igualdade. 2006/2008), e no Concello de Narón (seminarios de formación en materia de igualdade dirixida ao persoal do Concello); organiza xornadas e seminarios (I Xornadas formativas: Igualdade e democracia paritaria, Lalín 2007; Curso de formación en materia de violencia de xénero, Concello de Ortigueira, 2008); e ten elaborado o Plan de Igualdade de Oportunidades para o Servizo de Prevención de Riscos Laborais da Administración Xeral da Xunta de Galicia.